حكاية بنت فى الثانوية العامة

فى يوم من الايام كان فى بنت اسمها منى
المهم البت منى ديه خرجت مع صاحبتها راحوا مول كان فى شاب اسمه خالد المهم خالد ده عجبته منى
قاعد يبصلها وتبصله قام بقى مجمع كل شجاعته وراح كلمها اتعرفوا على بعض وبعد كدة قالها هشوفك امتى
قالتله تشوفنى لا لا مينفعش حسب الظروف بقى
خالد:طيب هاتى رقم موبايلك
منى : اذاكان كدة ماشى بس متكلمنيش غير بالليل
خالد: اوكى
المهم روحت هى
قام خالد كلمها بالليل
قاعدوا يتكلموا فى الموبايل لمدة اسبوع
ففى يوم راح خالد قالها احنا مش هنتقابل بقى انا نسيت شكلك وانتى وحشانى اوى
منى:مقدرش دا كان بابا يقطعنى
خالد :طيب انا عندى فكرة
منى:ايه هى؟
خالد:انتى مش باباكى كل يوم بيوصلك المدرسة الصبح
منى:اه
خالد:طيب بابا يوصلك من هنا وادخلى المدرسة قدامه وبعد مايمشى بالعربية هكون انا مستنيكى بالعربية فى الشارع
بعيد عن المدرسة بشوية وبعدين نتقابل وفى ميعاد المدرسة هرجعك اوك
منى:طيب انا لو مارحتش المدرسة المديرة هتتصل بماما فى البيت
خالد:بسيطة شيلى فيشة التليفون قبل ماتمشى
منى:فكرة جامدة
قفلوا على كدة